Bahut Muddat Se Aisa Hai (Urdu Poetry)

Bahut Muddat Se Aisa Hai (Urdu Poetry)

Bahut Muddat Se Aisa Hai

Ke Tum Khamosh Rehte Ho

Koi Gehra Hai Gham Shayad

Jisse Chupchap Sehte Ho

Yunhi Chalte Huye Tanha

Koi Ghamgin Sa Naghma

Tum Aksar Gungunate Ho

Dauran E Guftagu Yunhi

Milin Nazron Se Jab Nazrein

To Baatein Bhool Jaate Ho

Kisi Gumsum Si Haalat Mein

Ya Phir Barish Ke Mausam Mein

Faqat Itna Hi Kehte Ho

Udasi Bewajah Si Hai

Bahut Bojhal Tabiyat Hai

Bhala Sach Kyun Nahin Kehte

Kisi Ko Yaad Karte Ho

Kisi Se Pyaar Karte Ho

           By Girlish Beginning ❤️