Kuch Raat Pehle Ki Baat Hai (Short Story) In Urdu

Kuch Raat Pehle Ki Baat Hai ( Short Story) In Urdu

                  کچھ رات پہلے کی بات ہے۔

     میں نے اپنے بستر پر نیند آجانے سے پہلے، اپنے پہلو میں  سوئی،اپنی بیوی کے چہرے کو غور سے دیکھا،اس کی پیاری سی اور نرم و نازک شکل پر کافی دیر غور کرتا رہا، پھر میں نے اپنے آپ سے کہا کیا مسکین ہوتی ہے یہ عورت بھی، برسوں اپنےباپ کے شفقت کے سائے تلے اپنے گھر والوں کے ساتھ پلتی بڑھتی ہےاور اب کہاں ایک نا واقف شخص کے ساتھ آکر سوتی پڑی ہے،اور اس نا واقف شخص کیلئے اس نےاپنا گھر بار ماں باپ چھوڑا، والدین کا لاڈ پیار اور ناز نخرا چھوڑا، اپنے گھر کی راحت و اور آرام کو چھوڑا، اور ایسے شخص کے پاس آئی پڑی ہے جو بس اسے اچھے کی تلقین اور برائی سے روکتا ہے، اس شخص کی دل و جان سے خدمت کرتی ہے، اس کا دل بہلاتی ہے، اس کو راحتاور سکون دیتی ہے۔تا کہ بس اس کا رب اس سے راضی ہو جائے، اور بس اس لیےکہ یہ اس کیلئے اس کے دین کا حکم ہے۔کہتے ہیں، پھر میں نے اپنے آپ سے سوال کیا:کیسے ہوتے ہیں کچھ لوگ ، جو بیدردی اور بے رحمی سے اپنی بیوی کو مار پٹ لیتے ہیں۔بلکہ کچھ تو دھکے دیکر اپنے گھر سے بهی باہر نکال کرتے ہیں، انہیں واپس اپنے ماں باپ کے اس گھر لا ڈالتے ہیں جووہ اس کی خاطرچھوڑ کر آئی تھی کیسے ہوتے ہیں کچھ لوگ، جو بیویوں کو گھر میں ڈال کر دوستوں کے ساتھ نکل کھڑے ہوتے ہیں، ہوٹلوں میں جا کر وہ کچھ کھاتے پیتے ہیں جس کا ان کے گھر میں تصور باہر نہیں کیا  جا سکتا۔ کیسے ہوتے ہیں کچھ لوگ، جن کے بابر اٹھنے بیٹھنے کا دورانیہ ان کے اپنے بیوی بچوں کے پاس اٹھنے بیٹھنے کے دورانیئے سے زیادہ ہوتا ہے کیسے ہوتے ہیں کچھ لوگ جو اپنے گھر کو اپنی بیوی کیلئے جیل بنا کر رکھ دیتے ہیں، نا انہیں کبھی باہر  لیجاتے ہیں، اور نا ہی كبھی ان کے پاس بیٹھ کر ان سے دل کا حال سنتے سناتے ہیں۔کیسے ہوتے ہیں کچھ لوگ، جو اپنی بیوی کو ایسی حالت میں سلا دیتے ہیں کہ اس کے دل میں کسی چیز کی خلش اورچُبھن تھی، اس کی آنکھوں میں آنسو تھے اور اس کا گلا کسی قہر سے دبا جا رہا تھا۔ کیسے ہوتے ہیں کچھ لوگ، جو اپنی راحت اور اپنی بہتر زندگی کیلئے گھر چھوڑ کر باہر نکل کھڑے ہوتے ہیں پیچھے ہو کر اپنی بیوی اور بچوں کی خبر بھی نہیں لیتے کہ ان پر ان کے باہر رہنے کے عرصہ۔میں کیا گزرتی ہوگی۔کیسے ہوتے ہیں کچھ لوگ، جو ایسی ذمہ داری سے بھاگ جاتے ہیں جس کے بارے میں ان سے روز محشر پوچھ گچھ کیجائے گی۔۔

       اپنی ماں اور اپنی بیوی دونوں کو بے پناہ عزت

         دو، اسلئے کہ ایک تمہیں دنیا میں لائی ،، اور

         دوسری ساری دنیا چھوڑ کر تمہارے پاس آئی۔۔